ଜୟପାଟଣା, (ଓଡ଼ିଶ୍ରୀ ସମ୍ବାଦ): ଜୟପାଟଣା ଅଞ୍ଚଳର ସମାଜସେବୀ ଓ ଧର୍ମପରାୟଣ ବ୍ୟକ୍ତି ପ୍ରଭାକର ପଟ୍ଟନାୟକଙ୍କ ପ୍ରଥମ ବାର୍ଷିକୀ ଅବସରରେ ଏକ ଶ୍ରଦ୍ଧାଞ୍ଜଳି ସଭା ଅନୁଷ୍ଠିତ ହୋଇଛି। ସମାଜସେବା, ଧର୍ମୀୟ କାର୍ଯ୍ୟ ଓ ଜନସେବା କ୍ଷେତ୍ରରେ ତାଙ୍କର ଅବଦାନକୁ ସ୍ମରଣ କରି ଉପସ୍ଥିତ ବ୍ୟକ୍ତିମାନେ ଗଭୀର ଶ୍ରଦ୍ଧା ଓ ସମ୍ମାନ ଜଣାଇଥିଲେ।
ନିଜର ସମାଜସେବା ଓ ଧର୍ମୀୟ ଭାବନା ପାଇଁ ସମାଜରେ ସ୍ୱତନ୍ତ୍ର ପରିଚୟ ସୃଷ୍ଟି କରିଥିବା ପ୍ରଭାକର ପଟ୍ଟନାୟକଙ୍କ ସ୍ମୃତିଚାରଣ କରି ତାଙ୍କ ଜୀବନାଦର୍ଶ ଓ ଜନସାଧାରଣଙ୍କ ସହ ରହିଥିବା ଆତ୍ମୀୟତା ସମ୍ପର୍କରେ ଆଲୋଚନା କରାଯାଇଥିଲା। ସମାଜ ପ୍ରତି ତାଙ୍କର ଅବଦାନ ସର୍ବଦା ସ୍ମରଣୀୟ ହୋଇ ରହିବା ସହ ଆଗାମୀ ପିଢ଼ି ପାଇଁ ପ୍ରେରଣା ଯୋଗାଇବ ବୋଲି ଉପସ୍ଥିତ ବ୍ୟକ୍ତିମାନେ ମତ ପ୍ରକାଶ କରିଥିଲେ।
ଏହି ଶ୍ରଦ୍ଧାଞ୍ଜଳି ସଭାରେ ପୂର୍ବତନ ମନ୍ତ୍ରୀ ବଳଭଦ୍ର ମାଝୀଙ୍କ ସମେତ ଗଙ୍ଗାଧର ମାଝୀ, ସୁବାସ ଚନ୍ଦ୍ର ମୁଣ୍ଡ, ଭରତ ଦାସ, ମହେନ୍ଦ୍ର ପଣ୍ଡା, ପ୍ରକାଶ ଦୁରିଆ, ଦିବାକର ପଟ୍ଟନାୟକ ଓ ସୁଶୀଲ ନାଏକଙ୍କ ସମେତ ବିଭିନ୍ନ କ୍ଷେତ୍ରର ବହୁ ମାନ୍ୟଗଣ୍ୟ ବ୍ୟକ୍ତି ଯୋଗଦେଇ ଦିବଂଗତ ପ୍ରଭାକର ପଟ୍ଟନାୟକଙ୍କ ପ୍ରତି ଶ୍ରଦ୍ଧାସୁମନ ଅର୍ପଣ କରିଥିଲେ।
ସଭାରେ ତାଙ୍କର ସମାଜ ପ୍ରତି ଥିବା ନିଷ୍ଠା, ଧର୍ମୀୟ ମନୋଭାବ ଓ ଜନସେବାକୁ ସ୍ମରଣ କରାଯାଇଥିବା ବେଳେ ତାଙ୍କର ସ୍ମୃତି ଓ ଆଦର୍ଶକୁ ଜୀବନ୍ତ ରଖିବା ପାଇଁ ଉପସ୍ଥିତ ବ୍ୟକ୍ତିମାନେ ମତ ରଖିଥିଲେ।